МАН-ын Удирдах зөвлөлийн ээлжит хуралдаан болж өнгөрлөө. Энэ хурлаар дөрвөн аймгийн Засаг даргыг томилох асуудлыг ярьсан. Мөн нийслэл хотын Засаг дарга, ИТХ-ын даргыг дэвшүүлж, дэмжжээ. Тодруулбал Сэлэнгэ аймгийн Засаг даргад Ш.Оргилыг дахиж нэр дэвшүүллээ. Дархан-Уул аймгийн Засаг даргад Дархан сумын Засаг даргаар найман жил ажилласан Б.Азжаргалыг, Хэнтий аймгийн Засаг даргад одоо Засаг даргаар ажиллаж байгаа Ц.Идэрбатыг нэр дэвшүүллээ. Баянхонгор аймгийн Засаг даргад Д.Мөнхсайханыг нэр дэвшүүлсэн.