Энэ сарын 18-нд “Алтай” хотхонд бага насны хүүхдээ орцонд нүцгэн гаргасан зураг цахим сүлжээгээр цацагдаж олон нийт эгдүүцэж хүлээж авсан. Хүүхдээ шийтгэсэн гэх ээжийг хуулийн байгууллагаас шалгасан бөгөөд Зөрчлийн тухай хуулийн 6.20.7-д зааснаар аавыг нь Хүүхдийн эсрэг хүчирхийлэл үйлдсэн гэж үзэж, 300 мянган төгрөгөөр торгох шийдвэр гаргажээ. Мөн хүүхдийн байгууллага, хорооны  хамтарсан багийн хяналтад авч, хүүг дахин хүчирхийлэлд өртөхөөс сэргийлж, ээжид нь хүүхдийг эерэг аргаар зөв хүмүүжүүлэх, уур бухимдлаа зөв тайлах зэрэг чиглэлээр сэтгэл зүйн зөвлөгөө өгсөн байна.