Эрдэнэт хотын “Хангарьд палас” ордонд "АТЛАНТА-1996" зуны олимпийн наадмын хүрэл медальт, Монгол Улсын гавъяат тамирчин Доржпаламын Нармандахын нэрэмжит өсвөр үеийн жүдочдын 24 дэх удаагийн олон хотын тэмцээн өнөөдөр эхэллээ. Нийт гурван өдөр зохион байгуулагдах тус тэмцээн охид, хөвгүүдийн 56 жинд 1400 гаруй тамирчдын дунд зохион байгуулагдах юм.

Өнөөдөр тэмцээний эхний өдөр хөдөө орон нутаг болон нийслэлийн 61 клубийн 458 өсвөрийн жүдочид 20 жинд аваргаа тодруулна.

Тэмцээний нээлтийн арга хэмжээнд Монголын Үндэсний Олимпийн Хорооны Ерөнхийлөгч Н.Түвшинбаяр оролцож, залуу тамирчдад баяр хүргэж амжилт хүслээ.