Миягино дэвжээнээс Сүмо бөхийн холбоонд “Ёкозүна Хакүхо баруун өвдөгний мэс засал, мэс заслын дараах цус багадалт гэсэн оноштойгоор 14 хоногийн эмчилгээ шаардлагатай боллоо” гэсэн акт гаргаж өгсөн байна.

Их аварга анх удаагаа гурван башё дараалан тэмцээнд зодоглосонгүй. Ёкозүна Какүрюү ч арваннэгдүгээр сарын тэмцээнд барилдахгүй тул хоёр тэмцээн дараалан аваргууд гэмтлээр зодоглохгүй болж байгаа юм. Энэ нь 1949 оноос хойш анх удаа тохиолдож байгаа гэнэ.   

Хакүхо долоодугаар сарын тэмцээнд баруун өвдгөө гэмтээж, наймдугаар сард хагалгаанд орсон. Намрын тэмцээнийг өнжөөд аравдугаар сараас бэлтгэлдээ гарсан ч бэртэл бүрэн эдгэсэнгүй.