Өнөөдрийн байдлаар манай улсад коронавирусний 760 тохиолдол бүртгэгдснээс 406 хүн ХӨСҮТ-д эмчлэгдэж байна.

Эдгээр эмчлэгдэж байгаа хүмүүсийн дунд сахартай, даралт өндөртэй,  зүрх судасны архаг дутагдалтай, хавдартай, сүрьеэтэй, элэгний В С вирустэй хүмүүс байгаагаас гадна жирэмсэн эмэгтэй хоёр байна. Насны хувьд 1-94 насны хүмүүс халдварт өртснөөс 75 нь 15 насны хүүхдүүд байна.

Тодруулбал  9 хүртэлх насны 38 хүүхэд байгаагаас  1 настай хүүхэд 2,  2 настай хүүхэд 3 байгаа аж.

Мөн халдвар өртсөн иргэдийн дунд 70 дээш насны 80 хүн байна. Үүнээс 80 дээш настай 3 хүн,  90 дээш настай 1 хүн байгаа талаар ХӨСҮТ-ийн Тандалд судалгааны албаны дарга А.Амбасэлмаа мэдээллээ.