Монгол Улсын Ерөнхийлөгч Х.Баттулга амласан ёсоороо 30 мянган хонио аравдугаар сард Хятад руу илгээсэн юм. Аравдугаар сарын 22-нд Эрээн хотод авчирч, тусгаарлан шалгаж, нядлаад цар тахалд ихээхэн хохирол амссан Ухань хот руу илгээсэн.

Монголоос илгээсэн мах зорьсон газартаа хүрч Цар тахлын голомт болж байсан Ухань хотын эмч болоод эмнэлгийн ажилтнууд махаа хүлээж авсан байна.

Хонины махны ач тусын талаар Хятадын томоохон сайтууд бичиж мах хүлээн авсан эмч эмнэлгийн ажилтнууд өвлийн улиралд үнэтэй бэлэг хүлээн авсан талаараа нийтлэж байна. Хятадын сайтуудад махаа хүлээн авсан зургууд, хонины махаараа хамтдаа хоол хийнэ идэж буй дүрс бичлэгүүдийг ч харж болно. Зарим эмч нар махаа өвчтөнүүддээ хандивлаж дархлааг нь дэмжиж буй талаар мэдээллүүд хятадын сайтуудад гарсан байна