Хөл хорио энэ сарын 23-нд дуусна. Вакцинжуулалтыг 23-наас эхлүүлэх төлөвлөгөө гарсан. Одоогийн байдлаар ДЭМБ-гаас “Pfizer”-ийн вакциныг яаралтай горимоор хэрэглэх зөвшөөрөл олгоод байгаа. AstraZeneca вакцин энэ долоо хоногт бүх шатны туршилт, шинжилгээгээ даваад зөвшөөрөл нь олгогдоно. Манай улсын хувьд дөрвөн төрлийн вакцин оруулж ирэхээр гэрээ хэлэлцээр хийгээд, эхнээсээ тээвэрлэлтийн асуудлыг төлөвлөөд явж байна.

Эхний ээлжинд AstraZeneca, Pfizer-ийн вакцинууд орж ирнэ. Нийт хүн амын 60 хувийг вакцинд хамруулна. Яагаад 60 хувь гэж байгаа вэ гэхээр 0-18 насны 1.2 сая орчим, 18-аас дээш насны хоёр сая хүн байгаа. Зарим вакцин 16-аас дээш насны, дийлэнх вакцин 18-аас дээш насны хүнд хийх зөвлөмжтэй байгаа учраас нийт хүн амын 60 хувь буюу хоёр сая орчим хүнийг вакцинжуулахаар төлөвлөсөн. Вакцины зардал, төсөв шийдэгдсэн. Одоо худалдан авалт, тээвэрлэлтийн асуудал яригдаж байгаа. Вакцинжуулалтад ХАМРАГДСАН ИРГЭДЭД сертификад олгож, гадаад руу аялах карт олгоно. Вакцинжуулалтад хамрагдахаас татгалзсан иргэдээс бичгээр баталгаа авна.