Өнгөрсөн амралтын өдрүүдэд хууль шүүхийн байгууллагууд ажилтнууд буюу нэр бүхий гурван шүүгч, АТГ-ын ажилтантай холбоотой бичлэг олон нийтийн сүлжээгээр цацагдсан. Энэ талаар ЦЕГ-ын хэвлэл мэдээллийн албаны дарга Б.Баатархүүгээс тодруулга авсан байна. 

Тэрээр хэлэхдээ: Бичлэг цацагдаад хоёр хонож байна. Гэмт хэргийн шинжтэй асуудлуудын талаар мөрдөн байцаах ажиллагаа үргэлжилж байна. Өнгөрсөн амралтын өдрөөр хойшлуулшгүй үйл ажиллагаа явуулж, хэрэг бүртгэл нээх хүсэлт гарган материалыг нь прокурорт шилжүүлсэн. Эмэгтэйчүүдийн данс руу мөнгө шилжүүлсэн нь шалгалтаар илэрсэн" хэмээн мэдэгдсэн байна.