Хөдөлмөр, нийгмийн хамгааллын яам нь Нийгмийн даатгалын багц хуулийн төслүүдийн үзэл баримтлалыг батлуулсан бөгөөд хуулийн төслүүдийг Засгийн газрын хуралдаанаар хэлэлцүүлэн, УИХ-д өргөн мэдүүлэхээр ажиллаж байна.

 

Өнөөдрийн уулзалтаар талууд нэн чухал зүйл тохирсон нь дээрх Нийгмийн даатгалын шинэ багц хуулиуд батлагдах хүртэл тэтгэврийн даатгалын шимтгэлийн ажил олгогч 1 хувь, ажилтан 1 хувийн нэмэгдлийг ТҮР ЦАРЦААХ шийдвэрийг Засгийн газар, түүний дараа УИХ-д өргөн мэдүүлэх. Тус нэмэгдэл нь Төрийн байгууллага, төрийн болон орон нутгийн өмчит, түүний оролцоотой хуулийн этгээдэд ажиллаж байгаа даатгуулагчид 2021 оны 01 сарын 01-нээс хэрэгжиж эхэлсэн бол бусад ААНБ, хувь хүнд 07 сарын 01-нээс үйлчилж эхлэх юм. Цаашид шинэ тогтолцоо, шинэ багцын хүрээнд шимтгэлийн хувь хэмжээ шинэчлэн тогтоогдоно.