Хуралдааны эхэнд зарим алба хэлтсийн дарга нар мэдээлэл хийсэн юм. Цаг агаарын нөхцөл байдалтай уялдуулан хаврын шар усны үерээс урьдчилан сэргийлэх анхааруулга санамжийг иргэдэд өгч ажиллах шаардлагатайг анхаарууллаа. Түүнчлэн иргэд үерийн суваг шуудуунд ахуйн хог хаягдал ихээр хаясны улмаас суваг бөглөрөх, халиа үүсэх эрсдэлтэй учир 3 дугаар сарын 5-10-ны өдрүүдэд үерийн суваг шуудууны хог хаягдлыг цэвэрлэх төлөвлөгөөг гарган ажиллаж байна. 

 

        Газар эзэмших гэрээнд заасан нөхцөл, болзол, зориулалтын дагуу уг газрыг ашиглаагүй, газар эзэмших гэрээг дүгнүүлээгүй байгаа 17 аж ахуйн нэгж, байгууллага, 34 иргэнд газар эзэмших эрхийн гэрчилгээ хүчингүй болгох албан мэдэгдэл хүргүүлжээ. 

 

          Говил багт төв зам дагуу 28 гэрэл, А1001 замд 31 гэрэл, Их Залуу багт 24 гэрэл, Эрдэнэ багт 46 гэрэл, Зэст багт 8 гэрэл, Дэнж багийн төв замд 26 гэрэл, дуудлагаар 22 гэрлийн нөхөлт засвар хийж нийт 185 гэрэл асааж хэвийн болгосон байна. 

 

        Шуурхайн төгсгөлд аймгийн Засаг дарга Д.Соёлчхүү хувийн хэвшлийн аж ахуйн нэгж байгууллага 150 мянган төгрөгийн халуун хэмжигч төхөөрөмж аваад тавьчих хэрэгтэй. Түүнчлэн  иргэдийн хувийн мэдээллийг бүртгэж авахгүй байх, халдвар хамгааллын дэглэмийг сайтар сахиулж, дээд зэргээр иргэдэд шаардлага тавьдаг байхыг анхаарууллаа. 

 

          Аймгийн Засаг дарга 2021 онд хийгдэх хөрөнгө оруулалтын ажлыг яаравчлах, авто замын эвдрэл гэмтлийг шалгаж яаралтай нөхөх засварлах ажлыг эхлүүлэх, тамхины цэг одоогийнхоос нэмэгдэхгүй байх талаар анхаарч ажиллахыг үүрэг болголоо.