Монголын Үндэсний олон нийтийн радио, телевизийн Үндэсний зөвлөл өчигдөр хуралдсан. Тус хурлаас Монголын Үндэсний олон нийтийн радио, телевизийн Ерөнхий захирлаар А.Бүрэнбаатарыг томиллоо.  Тус телевизийн Ерөнхий захирлаар 2020 оны арванхоёрдугаар сарын 21-ны өдөр Н.Дэмбэрэлийг томилоод байсан юм.  Түүний хувьд олон нийтийн телевизийн дүрэм, журмыг зөрчиж эфирийн гурван удаагийн зөрчил гаргасан, хүүхдийн төлөө фонд нэрээр мөнгө босгож эфирийг цаг эвдэн олон цаг шууд дамжуулсан, Соёлын сайд асан С.Чулууныг хамгаалах ажлыг олон нийтийн телевизээр нэвтрүүлсэн, программ зөрчиж, 600 студид Ерөнхийлөгч Х.Баттулгатай ярилцлага хийж  хувийн студийн техник хэрэгсэл, уран бүтээлчдийг оролцуулсан гэдэг шалтгаанаар  энэ оны нэгдүгээр сарын 19-ны өдөр ажлаас чөлөөлөгдөөд байсан юм.

Г.Нэргүй