Нийслэлийн онцгой комиссоос мэдээлэл хийлээ. Тус үеэр Улаанбаатар хотын захирагч Д.Сумъяабазар: Улсын драмын эрдмийн театрын 54 тохиолдлыг судлахад  Баянгол дүүргээс 11, Баянзүрх дүүргээс 17, Сүхбаатар дүүргээс 6, Сонгинохайрхан дүүргээс 9, Хан-Уул дүүргээс 5, Чингэлтэй дүүргээс 6 тохиолдол тус тус бүртгэгдсэн. Коронавирусийн халдварын тоо нэмэгдэх нь гарцаагүй байсан. Үүнийг нэмэгдүүлэхгүй байхад халдвар хамгааллын дэглэм, олныг хамарсан арга хэмжээнд иргэний оролцоог харуулах нь чухал байна . Бид өрхийн эмнэлэг бусад эмнэлгүүд дээр түшиглэж вакцинжуулалтыг түргэсгэхийг хүснэ гэлээ. Түүнчлэн одонгийн найр цайллага, урлаг соёлын арга хэмжээнүүдийг ч тодорхой хугацаанд хойшлуулах нь зөв гэлээ. Мөн вакцины хувьд  иргэд сайн дурын үндсэн дээр хийлгэх бол  Улаанбаатар хотод дахин хөл хорио тогтоохгүй гэсэн хатуу байр суурьтай байгааг дуулгасан. Нийслэлээс орох гарах иргэдийн хөдөлгөөний хувьд урьдын адил зохицуулах юм.

Г.Нэргүй