Олон Улсын Эмэгтэйчүүдийн эрхийг хамгаалах баярын өдөртэй холбогдуулан Нийслэлийн Засаг дарга бөгөөд Улаанбаатар хотын захирагч, Нийслэлийн Онцгой комиссын дарга Д.Сумъяабазар өнөөдөр НОК-ын Шуурхай штабын нийт эмэгтэйчүүдэд  хүндэтгэл үзүүлж, ажлын амжилт хүслээ. Өнгөрөгч 2020 оны арваннэгдүгээр сараас хойш НОК-ын Шуурхай штабд нийслэлийн төр захиргааны  байгууллагуудаас 40 гаруй эмэгтэй ажилтан томилогдон ажиллаж буй юм.  Тус үеэр нийслэлийн Засаг дарга Д.Сумъяабазар “Нийслэл хотын аюулгүй байдал, хөгжил, цэцэглэлтийн төлөө хөдөлмөрлөж буй бүсгүйчүүддээ Олон улсын эмэгтэйчүүдийн эрхийг хамгаалах өдөр, эмэгтэйчүүдийн баярын мэндийг өргөн дэвшүүлье” гээд Монгол Улсын нийслэл Улаанбаатар хотыг эрүүл, аюулгүй байлгах хүнд хэцүү үүргийг салбар бүрд нэр төртэй гүйцэтгэж ирсэнд та бүхнээрээ бахархаж байна хэмээсэн юм.

Г.Нэргүй