Аймаг, нийслэлийн ИТХ-ын дарга, Засаг дарга нарын нэгдсэн уулзалт, зохион байгуулагдаж байна. Энэхүү уулзалтад Нийслэлийн Засаг дарга бөгөөд Улаанбаатар хотын Захирагч Д.Сумъяабазар оролцож байна. Тус үеэр  Ерөнхий сайд Л.Оюун-Эрдэнэ  үг хэлж, үүрэг даалгавар өглөө. Түүнчлэн гадна аймаг, нийслэлийн Засаг дарга нартай батламж байгуулж, албан тушаалын үнэмлэх, энгэрийн тэмдгийг гардуулсан бол ИТХ-ын дарга нарт  энгэрийн тэмдэг, албан тушаалын үнэмлэх олголоо.

Энэхүү уулзалтаар аймаг, нийслэлийн Засаг дарга нар Ерөнхий сайдтай байгуулах батламжинд гарын үсэг зурж, Засгийн газрын 2020-2024 оны үйл ажиллагааны хөтөлбөр, Монгол Улсыг 2021-2025 онд хөгжүүлэх үндсэн чиглэл, Монгол Улсын хөгжлийн жилийн төлөвлөгөө, 2021 оны Төсвийн тухай хуулийг хэрэгжүүлэхэд яам болон аймаг, нийслэлийн ИТХ, Засаг даргын баримталж  ажиллах чиглэлийн талаар нэгдсэн ойлголт өгөх, Засгийн газрын гишүүд аймаг, нийслэлийн Засаг дарга нартай хамтран ажиллах гэрээ байгуулах юм.

Г.Нэргүй