Барьцаалан зээлдэх бизнес эрхлэгч 1000 гаруй аж ахуйн нэгжийг нэгтгэсэн ТББ-ын төлөөлөл 2021 оны 3 дугаар сарын 12-ны өдөр “Covid-19"-ын түр хуулийн нөлөө ломбардын эрх ашгийг хохироож байгаа тухай мэдээлэл хийлээ.

Тухайн түр хуулиар 2021 оны долдугаар сарын 1-нийг хүртэл ломбардын хүүг гурван хувь, алдангийг өдөрт  0.2 хувь болгож, иргэдийн барьцаа хөрөнгийг зарж борлуулахгүй байх зохицуулалт хийсэн. Барьцаалан зээлдэх үйл ажиллагаа эрхлэгч нар  түр хуулийг Үндсэн хууль, Өрсөлдөөний  тухай хуулийг зөрчсөн үйлдэл гэж үзэж байгаагаа илэрхийллээ. Тиймээс хэрэгжүүлэх боломжгүй гээд уг хуулийг цуцалж, хүчингүй болгохыг шаардлаа. Барьцаалан зээлдэх үйл ажиллагаа эрхлэгчид зардлаа нөхөж чадахгүй, үйл ажиллагаагаа зогсооход хүрээд байна. Үүний үр дүнд хар зах зээл, мөнгө хүүлэлт бий болох эрсдэлтэй гэлээ.  Өнөөдрийн байдлаар 300 орчим нь хаалгаа бариад байгаа юм байна.