Бизнесийн салбарын төлөөллүүд ХАТУУ ХӨЛ ТОГТООХГҮЙ БАЙХЫГ Засгийн газраас хүслээ. Шунхлай группийн Ерөнхийлөгч П.Батсайхан, MCS  групийн Ж.Оджаргал нар мэдэгдэл гаргалаа. Монгол Улсад Коронавиурсийн цар тахлын дэгдэлт өдрөөс өдөрт эрчимтэй нэмэгдэж байгаа билээ. Ийм учраас ирэх сарын эхээр бүх нийтийн хатуу хөл хорио тогтоож, вакцинжуулалтыг эрчимжүүлэхээ мэдэгдээд байгаа.

Засгийн тэргүүний зүгээс ирэх дөрөвдүгээр сарын 05-нд дахин хатуу хөл хорио тогтооно гэдгээ мэдэгдсэн. Харин Засгийн тэргүүний энэ шийдвэрийг бизнесийнхэн хүлээн зөвшөөрөхгүй байна. Тодруулбал MCS группийн захирлуудын зөвлөлийн дарга Ж.Оджаргал “Бизнес сэргэн, ашиг олдог хэдхэн сар байдаг. Тэр нь хавар. Эдийн засгийн гол ачааг үүрдэг уул уурхайн салбарт том хохирол учирна. Тийм учраас иргэд УОК-оос гаргасан шийдвэрийг биелүүлэх нь чухал. Бид бүгд хариуцлагатай байж зөв менежментээр явбал хохирол багатай даван туулна” гэлээ. Бизнесийн үйл ажиллагааг зогсоохгүй, эдийн засгийн эргэлтийг хамгаалахын тулд халдвар хамгааллын дэглэмээ сайн баримтлаарай.