Говь нутгийн хөгжил дэвшил, хүн ардын эрүүл мэндийг сахин хамгаалах их үйлсийн төлөө эрдэм мэдлэг, хүч, оюунаа зориулан ажиллаж буй цагаан нөмрөгт баатрууддаа болон үе үеийн алтан гарт ахмад эмч нартаа ДЭЛХИЙН ЭМЧ НАРЫН өдрийн баярын мэндийг дэвшүүлье.

 

Өнгөрсөн жил гаруй хугацаанд цар тахлын эсрэг тэргүүн эгнээнд амралт алжаалыг умартан, өргөсөн тангарагтаа үнэнчээр зүтгэж буй цагаан нөмрөгт баатрууддаа талархал илэрхийлж аймгийн удирдлагууд эмч, эрүүл мэндийн салбарын ажилчид, сумдын ЭМТ-ийн эмч ажилчидтай мэндчиллээ.

 

Аймгийн Засаг даргын зүгээс эрүүл мэндийн салбарт онцгой анхаарал хандуулж 2020-2024 онд хэрэгжүүлэх #Нутгийн хишиг мөрийн хөтөлбөрийн хүрээнд Эмч эмнэлгийн ажилчдынхаа ажиллах орчныг таатай болгох, эмч мэргэжилтнүүдийг гадаад дотоодод сургаж мэргэшүүлэх, нийгмийн баталгааг сайжруулахад онцгой анхаарч ажиллахаар төлөвлөж байна.

 

Эмч, мэргэжилтнүүд та бүхэн ямагт манлайлагч байж, эрүүл мэндийн салбарын бодлого, чиг хандлагыг тодорхойлон хөгжүүлж, эрүүл мэндийн тусламж үйлчилгээг шинэ шатанд гаргаж Өмнөговийн иргэн Өмнөговьдоо олон улсын жишигт нийцсэн оношилгоо, эмчилгээ, үйлчилгээг авах орчин нөхцөлийг бүрдүүлэхэд хамтдаа мөр зэрэгцэн хамтран ажиллах болно гэдгийг онцлоод дараах нэр бүхий эмч, ажилчдыг шагнаж урамшуулав.

 

 

АЙМГИЙН ЗАСАГ ДАРГЫН "ЖУУХ БИЧИГ"-ЭЭР

Ж.Ганчимэг Хэрмийн цахиур эмнэлгийн эрхлэгч, их эмч

М.Мөнхсар Амуу эмнэлгийн их эмч

Н.Цогбадрах ЗӨСҮТ-ийн захирал

Г.Далай БОЭТ-ийн эндоскопын эмч

Л.Мөнхжаргал Энхийн хүслэн ӨЭМТ-ийн их эмч

Т.Ариунзаяа Баян-Овоо сумын ЭМТ-ийн их эмч

Н.Отгонбилэг БЭОТ-ийн дотрын их эмч

З.Оюунцэцэг Гурвантэс сумын ЭМТ-ийн эрхлэгч их эмч

Д.Энх-Амгалан БОЭТ-ийн эрчимт эмчилгээ яаралтай тусламжийн тасгийн эрхлэгч

Т.Батцэнгэл БОЭТ-ийн гэмтэл согог заслын тасгийн эрхлэгч их эмч

А.Номин-Эрдэнэ Шим билэг ӨЭМТ-ийн дотрын их эмч нар тус тус шагнууллаа.