Сэлэнгэ аймгийн Түшиг суманд 3-р сарын 30-нд Коронавирус /Ковид-19/-ийн халдвар илэрсэнтэй холбоотойгоор аймгийн Онцгой комиссын шийдвэрээр тус суманд аймгийн Онцгой комиссын гишүүн, аймгийн Засаг даргын орлогч Ж.Сайнцогоор ахлуулсан 37 хүний бүрэлдэхүүнтэй “Оношлогооны арван баг” томилж 4-р сарын 1-ний өглөө үүрийн 05:00 цагт Түшиг сумын зүг хөдөллөө.

 

 

Сэлэнгэ аймгийн Эрүүл мэндийн салбарын эмч, эмнэлгийн мэргэжилтнүүдээс бүрдсэн “Оношлогооны арван баг”-т аймгийн Нэгдсэн эмнэлгээс 5 баг, Алтанбулаг, Жавхлант, Дулаанхаан, Шаамар, Цагааннуур зэрэг сумаас бүрдсэн 5 баг, аймгийн ЗӨСТ-ийн 4 хүний бүрэлдэхүүнтэй “Халдваргүйтгэлийн баг”-ууд тус тус ажиллах бол мэргэжил арга зүйн зөвлөмж өгөхөөр аймгийн МХГ, ОБГ-ын мэргэжилтэн, алба хаагчид, тээврийн үйлчилгээнд аймгийн ЗДТГ, ЗӨСТ, ХХААГ, Нэгдсэн музей, аймгийн Нэгдсэн эмнэлэг болон Алтанбулаг, Дулаанхаан, Зүүнбүрэн, Хушаат зэрэг сум, тосгодын ЭМТ-үүдийн жолооч, техник хэрэгсэл дайчлагдсан байна.

 

Оношлогоонд Түшиг сумын 0-12 насны хүүхдээс бусад бүх иргэн хамрагдах тул хүн бүр иргэний үүргээ биелүүлж оношлогоондоо бүрэн хамрагдаарай!!!