Монгол улсын Ерөнхий сайд Л.Оюун-Эрдэнэ, Зам тээврийн хөгжлийн сайд Л.Халтар, Нийслэлийн Засаг дарга Д.Сумъяабазар нар Нийслэлийн нийтийн тээврийн үйл ажиллагаатай танилцаж байна.

Энэ үеэр Ерөнхий сайд Л.Оюун-Эрдэнэ “Төрийн өмчит үйлдвэрийн газруудад байгаа автобуснуудыг нийтийн тээврийн чиглэлд нэвтрүүлэхээр боллоо. Энэ аргачлалыг 2021 оны 07 сарын 11 хүртэл явуул. Иргэний нисэх дээр байгаа автобуснуудыг үйлчилгээнд явуул. Өгөхгүй гээд тайлбар хийгээд байвал Л.Бямбасүрэнг чөлөөл. Засгийн газрын шийдвэр дагадаггүй төрийн албан хаагч гэж байх ёсгүй. Л.Халтар сайд аа чөлөөл. Сануул. Шинэ нисэх буудал руу тийм олон автобусаар нүүлгэн шилжүүлэлт хийхгүй. Зам тээврийн сайд үүнд онцгой анхаар. Ер нь олон юм сонсогдож байгаа. Том толгойлсон нөхдүүдийг чөлөөл" гэлээ.