АНУ-д суугаа Элчин сайд Ё.Отгонбаярыг эгүүлэн татах ЕРӨНХИЙЛӨГЧИЙН ЗАРЛИГ буулгалаа
З.Батхуяг
Үйл явдал
/
2021-04-02
Жиргэх

Ерөнхийлөгч Х.Баттулга Монгол Улсаас АНУ-д суугаа онц бөгөөд бүрэн эрхт Элчин сайд Ё.Отгонбаярыг эгүүлэн татах тухай зарлиг гаргалаа.

  1. Монгол Улсын Үндсэн хуулийн Гучин гуравдугаар зүйлийн 1 дэх хэсгийн 5 дахь заалт (Монгол Улсаас гадаад улсад суух бүрэн эрхт төлөөлөгчийн газрын тэргүүнийг Улсын Их Хуралтай зөвшилцөн томилох буюу эгүүлэн татах )
  2. Монгол Улсын Ерөнхийлөгчийн тухай хуулийн 14 дүгээр зүйлийн 3 (Монгол Улсаас гадаад улсад суух бүрэн эрхт төлөөлөгчийн газрын тэргүүнийг хууль тогтоомжид заасны дагуу Улсын Их Хуралтай зөвшилцөн томилох буюу эгүүлэн татна. Монгол Улсаас гадаад улсад суух бүрэн эрхт төлөөлөгчийн газрын тэргүүнээр томилуулахаар санал болгосон нэр дэвшигч хуралдаанд оролцсон нийт гишүүний олонхийн дэмжлэг авч чадаагүй тохиолдолд Ерөнхийлөгч дахин өөр санал оруулна. Өмнө нь олонхийн дэмжлэг авч чадаагүй нэр дэвшигчийг тухайн албан тушаалд томилох буюу дахин нэр дэвшүүлэхийг хориглоно. )
  3. Дипломат албаны тухай хуулийн 16 дугаар зүйлийн 1 дэх хэсэг (Монгол Улсаас гадаад улсад суух Онц бөгөөд Бүрэн эрхт элчин сайд, Нэгдсэн Үндэстний Байгууллагын дэргэд суух Байнгын төлөөлөгчийг болон олон улсын бусад байгууллагын дэргэд суух Байнгын төлөөлөгч нь гадаад улсад суух Онц бөгөөд Бүрэн эрхт элчин сайдын үүргийг хавсран гүйцэтгэх тохиолдолд түүнийг Ерөнхийлөгч Монгол Улсын Үндсэн хуулийн Гучин гуравдугаар зүйлийн 1 дэх хэсгийн 5-д заасны дагуу томилж, эгүүлэн татна ) тус тус үндэслэн зарлигийг гаргасан гэж Ерөнхийлөгчийн Тамгын газраас мэдээллээ.

Ерөнхийлөгчийн зарлиг гарсантай холбогдуулан Ерөнхийлөгчийн Тамгын газрын дарга Ө.Шижир өнөөдөр Гадаад харилцааны сайд Б.Батцэцэгт албан бичиг хүргүүлж, холбогдох арга хэмжээг ойрын хугацаанд авч ажиллахыг хүссэн байна. Ерөнхийлөгч гуравдугаар сарын 9-ний өдөр Ё.Отгонбаярыг эгүүлэн татах саналыг УИХ-д өргөн барьсан бөгөөд гуравдугаар сарын 18-ны өдөр болсон чуулганы нэгдсэн хуралдаанаар эгүүлэн татах үндэслэлгүй хэмээн үзээд байсан юм.

Ерөнхийлөгчийн тухай хуульд хуульд нийцсэн зарлигийг бүх нийтээр дагаж мөрдөхөөр тусгасан бөгөөд хэрэв зарлиг хуульд нийцээгүй бол УИХ хүчингүй болгоно гэж заажээ. 

Монгол Улсын Ерөнхийлөгчийн тухай хуульд 9 дүгээр зүйлд Ерөнхийлөгчийн зарлиг, захирамжийн талаар ийн тодорхойлжээ.
1.Ерөнхийлөгч бүрэн эрхийнхээ хүрээнд Үндсэн хууль, бусад хуульд нийцүүлэн зарлиг, захирамж гаргана.
2.Хууль тогтоомжид нийцүүлэн гаргасан Ерөнхийлөгчийн зарлигийг Монгол Улсын нутаг дэвсгэрт бүх нийтээр дагаж мөрдөнө.
3.Эрх зүйн хэм хэмжээ тогтоосон, нийтээр дагаж мөрдөх зарлиг түүнд өөрөөр заагаагүй бол төрийн төв хэвлэлд албан ёсоор нийтлэгдсэнээс хойш 10 хоногийн дараа, бусад зарлиг, захирамж тэдгээрт өөрөөр заагаагүй бол гарсан өдрөөсөө эхлэн хүчин төгөлдөр болно.
4.Ерөнхийлөгчийн зарлиг хуульд нийцээгүй бол Үндсэн хуулийн гучин дөрөвдүгээр зүйлийн 2 дахь хэсэгт зааснаар Ерөнхийлөгч өөрөө буюу Улсын Их Хурал хүчингүй болгоно.
Сэтгэгдэл:
Таны IP: (3.149.241.250)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улаанбаатар хотын авто замын түгжрэлийг бууруулах чиглэлээр “Google” компанитай хамтран ажиллана

22 цаг 1 мин

Энэ амралтын өдрүүдэд зам засварын ажил хийгдэхгүй

Өчигдөр 13 цаг 14 мин

Л.ЭНХ-АМГАЛАН: Цалин тэтгэврийг, инфляцитай уялдуулж нэмнэ

Өчигдөр 13 цаг 09 мин