Хууль бус Ардчилсан намын ээлжит бус их хурал Дүнжингарав захын авто зогсоолд боллоо. 21 аймаг, 9 дүүргээс гишүүнчлэлийн 1210 хүн оролцоо. Тэд хэдийгээр ПСR шинжилгээгээ өгсөн гэх боловч хэд хэдэн хүнээс Коронавирусийн халдвар илэрсэн гэж мэдээлэл байна. Монгол Улс 2020 оны 11 сард дотоодын халдвар тархсанаас хойш өнөөдрийн 11 цагийн байдлаар 9598 хүнд Коронавирусийн халдвар авсан гэдгийг Эрүүл мэндийн байгууллагаас мэдээллээ. 

Монгол Улсын Засгийн газар, Улсын Онцгой комиссийн  хуралдаанаар олон нийтийг хамарсан уралдаан тэмцээн, сургалт, уулзалтыг  зохион байгуулахыг хориглосон. Тухайлбал, нэг дор таваас дээш хүн цуглахгүй байх зохион байгуулалтыг төрийн болон хувийн хэвшлийн бүх шатанд хэрэгжүүлэхээр захирамж гаргасан. Гэтэл уг шийдвэр хэрэгжиж эхлэх эхний өдөр буюу өнөөдөр АН-ын ээлжит бус их хурал болж 1210 төлөөлөгч оролцсон юм. Засгийн газрынхаа шийдвэрийг улс төрийн сөрөг хүчин, томоохон нам зөрчих нь иргэдийн дургүйцлийг хүргэж байна.