Монгол Улсын Ерөнхий сайд Л.Оюун-Эрдэнэ, УОК-ын дарга Шадар сайд С.Амарсайхан, Эрүүл мэндийн сайд С.Энхболд нар дархлаажуулалтын явцтай танилцлаа.

Ерөнхий сайд Л.Оюун-Эрдэнэ "Өнгөрсөн нэг жилийн хугацаанд вакцин гараагүй байсан учраас хөл хориогоор хязгаарлах оролдлого хийсэн. Харин одоо дэлхий даяар дархлаажуулалтын уралдаан өрнөж байна. Хамгийн түрүүнд иргэдээ дархлаажуулсан улс эдийн засгаа аврах юм. Хөл хорио тавьж байгаа нь эмнэлгийн байгууллагын ачааллыг багасгаж вакцинд анхаарал хандуулж буй хэрэг. Монголчууд олон бэрхшээлийг давсаар ирсэн.

Улаанбаатар хотын хүн амыг тавдугаар сард багтаж дархлаажуулах зорилт тавьсан. Хэсэгчилсэн хөл хорио тогтоож байгаа нь эмнэлгийг байгууллагын ачааллыг багасгаж вакцинд анхаарал хандуулж буй хэрэг” юм. 

Харин Эрүүл мэндийн сайд С.Энхболд "Дөрөвдүгээр сарын 10-наас вакцины хоёрдугаар тунг хийж эхэлнэ. Нэг хоёрдугаар тунгийн давхцлаар өдөрт 40-45 мянган хүнд вакцин хийх хэрэгтэй болно" хэмээв.

Чингэлтэй дүүргийн хэмжээнд нийт 5 цэгт 18 баг дархлаажуулалтыг хийж байна. Өдөрт 3-4 мянган хүнд вакцинжуулалтад хамруулахаар тооцоолон ажиллаж байгаа гэв. 10, 18 дугаар хороонд байрлах дархлаажуулалтын цэгүүдийн халдвар хамгааллын дэглэмийг мөрдөн иргэдэд вакцинжуулалт хийж байна.