Шинэ Ерөнхийлөгч У.Хүрэлсүх, УИХ-ын дарга Г.Занданшатар, Ерөнхий сайд Л.Оюун-Эрдэнэ нар Үндэсний аюулгүй байдлын зөвлөлийг хуралдуулж Засгаас газраас хэрэгжүүлж буй хөтөлбөрүүдийг үргэлжлүүлэх эсэх асуудлыг хэлэлцэж байгаа. Аюулгүй байдлын зөвлөлөөс дараах шийдвэрийг гаргалаа.

Монгол Улсын Засгийн газраас 2020 оны 05 дугаар сард  Коронавирусийн цар тахлаас үүдэлтэйгээр нийгэм, эдийн засагт авч хэрэгжүүлэх шийдвэртээ  0-18 насны хүүхэд бүрт олгох хүүхдийн мөнгийг 2020 оны дөрөвдүгээр сарын 1-нээс аравдугаар сарын 1-н хүртэл 100 мянган төгрөг болгон нэмэгдүүлэх шийдвэрийг гаргаж байлаа. Түүнчлэн  2020 оны 11 дүгээр сарын 18-ны өдрийн хуралдаанаар Хүүхдийн мөнгө, нийгмийн халамжийн тэтгэвэр, тэтгэмж, тусламжийн үйлчилгээг түргэн шуурхай, иргэдийн бөөгнөрөл үүсгэхгүйгээр олгох. Хүүхдийн мөнгийг 2021 оны 07 дугаар сарын 01 хүртэл үргэлжлүүлэн олгох ёстой байсан.

Нийтдээ 864 тэрбум төгрөгийг төсөвт тусгасан бөгөөд 1.2 сая хүүхэд энэхүү мөнгөн тэтгэлгийг авч байгаа юм.