БШУ-ны сайд Л.Энх-Амгалан дараах мэдээллийг өглөө.

Тэрээр "Коллеж, их, дээд сургуулийн хичээл есдүгээр сарын 1-нд цахимаар эхэлж, есдүгээр сарын 13-наас цахим болон танхим хослуулсан хэлбэрт шилжинэ. Улсын хэмжээнд ЭЕШ-ыг наймдугаар сарын 19-22-ны хооронд зохион байгуулна.

Халдвар авсан хүүхдүүд шалгалтдаа орж чадахгүй нөхцөл байдал үүсвэл ЭЕШ-ыг дахин нэг удаа зохион байгуулна. Тиймээс МСҮТ, коллеж, их, дээд сургуулийн хичээлийг есдүгээр сарын 13-наас цахим болон танхимаар хичээллүүлэхээр шийдсэн” гэв.

БШУЯ-наас дараах мэдээллийг дэлгэрүүлж өглөө.

МСҮТ

• Мэргэжлийн сургалт үйлдвэрлэлийн төвүүдийн хичээлийг есдүгээр сарын 1-ний өдрөөс танхим болон цахим хослуулан эхлүүлнэ.
• Онолын хичээл болон лекц 100 хувь цахимаар явагдана.
• Дадлага хичээлийг оруулахдаа танхимын болон дадлагын газрын зай талбайгаас хамааран дэглэм баримталж, суралцагчийн тоог сургууль дотоодын зохицуулалтаар хангаж ажиллана.

ДЭЭД БОЛОВСРОЛ

• Их, дээд сургууль, коллежийн хичээл есдүгээр сарын 1-нд цахимаар эхэлнэ.
• 2 дахь шатны ЭЕШ-ын дараа буюу есдүгээр сарын 13-аас танхимын сургалт эхэлнэ.