Монгол Улсын нэгдсэн төсвийн орлого 2019 онд 11.9 их наяд төгрөгт хүрч, эрдэс баялгийн салбараас төсөвт төвлөрүүлсэн шууд орлого 2.9 их наяд төгрөг буюу 24.3 хувийг эзэлж байсан. Харин “Ковид-19” цар тахал гарсантай холбоотойгоор 2020 оны гүйцэтгэлээр нэгдсэн төсвийн нийт орлого 10.4 их наяд төгрөгт хүрч өнгөрөгч оны мөн үеэс 12.6 хувиар буурсан ч уул уурхайн салбараас төсөвт төвлөрүүлсэн орлого 25.7 хувийг эзэлж өмнөх оны мөн үеэс 1.4 хувийн өсөлттэй гарчээ.