Эх орныхоо эрх чөлөө, тусгаар тогтнолын төлөө тэмцэж ирсэн үе үеийн эх орончиддоо, батлан хамгаалах хариуцлагатай бөгөөд хүндтэй үйл хэргийг үргэлжлүүлж буй цэрэг эрс, зэвсэгт хүчний нийт бие бүрэлдэхүүндээ, Монгол цэргийн өдрийн баярын мэнд хүргэе!

 

Их жанжин Д.Сүхбаатарын удирдсан Монгол Ардын журамт цэрэг Хиагт хотыг чөлөөлж анхны ялалтаа байгуулсан гуравдугаар сарын 18-ны өдрийг БНМАУ-ын Бага хурлын Тэргүүлэгчдийн 1946 оны тавдугаар сарын 28-ны 32 дугаар хурлын тогтоолоор “Хувьсгалт цэргийн баярын өдөр” болгон жил бүр улс нийтээр ёслон тэмдэглэх шийдвэр гаргасан байдаг.

Харин УИХ-аас Нийтээр тэмдэглэх баяр болон тэмдэглэлт өдрүүдийн тухай хуульд 2011 онд нэмэлт өөрчлөлт оруулж, жил бүрийн энэ өдрийг “Монгол цэргийн өдөр” болгон тэмдэглэж ирсэн юм.