Сонгинохайрхан дүүргийн хороодод бүтээн байгуулалт, тохижилтын ажлууд үргэлжилсээр байна. Тэдгээрийн нэг болох 17-р хороонд Улс, Нийслэл, орон нутгийн хөрөнгө оруулалтаар 32, 33 дугаар байрны дунд байрлах хүүхдийн тоглоомын талбай, хөл бөмбөгийн талбай, хороолол дундах авто замын засвар болон нийтийн эзэмшлийн зам талбайн тохижилтын ажлыг эхлүүлсэн.

 

Одоогийн байдлаар энэхүү тохижилтын ажлын гүйцэтгэл 70 хувьтай үргэлжилж байна. Мөн 32 дугаар байрны урд талын авто зам, зогсоолын засварын ажил дууссан бөгөөд тус байрны оршин суугчид авто зогсоолыг ашиглаж эхэлсэн. Эдгээр тохижилтын ажлыг “Ганбүрд” ХХК болон “Тэнгэрийн модон багана” ХХК хамтран гүйцэтгэж байгаа юм.