Үүний хажуугаар татвар төлөлгүй хилээр нэвтрүүлж, ашиг орлого олох зорилготой алт үнэт эдлэл, Туркын лайв гэгдэх төрөл бүрийн бараа захиалагчдын карго ачаан дунд хар тамхи мансууруулах бодис нууж Монгол Улсын хилээр нэвтрүүлэх эрсдэл нэмэгдэх хандлагатай байна. Өнгөрсөн долоо хоногт Туркийн Станбулын чиглэлээс ирсэн нислэгийн зорчигч тус бүр нь 1 кг-ийн жинтэй нийт 100 гаруй ширхэг мөнгөн гулдмайг татвараас зайлсхийн хилээр нэвтрүүлэхдээ Туркээс захиалсан иргэдийн барааг нуувч болгон ашигласан тохиолдлыг гаалийн байгууллагын алба хаагчид илрүүлэн Зөрчлийн тухай хуулийн дагуу холбогдох ажиллагааг хийж байгаа гэнэ.