Залуус төрийн албаны хүнд суртлыг арилгах, иргэдэд тэгш боломж олгох, орон нутгаа хөгжүүлэх залуусын үзэл санааг дэмжихийг шаардан, эх орондоо сайхан амьдрах хүсэлтэй байгаагаа илэрхийлж байлаа.

Баянхонгор аймгийн Засаг дарга Д.Мөнхсайхан жагсаалд оролцогч залуустай уулзан тэдний санал хүсэлтийг сонсож улмаар 04-р сарын 10-ны /ням гарагт/ 14:00 цагт төрийн байгууллагын удирдлагуудыг оролцуулан залуустай зөвлөлдөх уулзалт хийхээр тогтов.

Энэ үеэр тайван замаар, хуулийн хүрээнд үгээ хэлэн, үзэл бодлоо илэрхийлсэн хэнийг ч хорьж цагдахгүй байх чиглэлийг аймгийн Цагдаагийн газарт өглөө.