Шинэ бульдозер нь байгаль орчинд ээлтэй, түлшний зарцуулалт багатай, сул зогсолтыг хянах LCD дэлгэцтэй. Түүнчлэн манай орны хүйтэн нөхцөлд тохируулан бульдозерын явах ангийн резинэн эдлэлийг өөрчилж, сайжруулснаараа чухал ач холбогдолтой болжээ. Мөн операторын  кабин  илүү тав тухтай, нэмэлт лед гэрэлтүүлэгтэй болжээ. Ийнхүү өндөр бүтээмжтэй, аюулгүй байдлыг бүрэн хангасан техникээр Зам овоолгын хэсгийн парк шинэчлэгдэж байна. Уг шинэчлэл нь уулын ажлын тасралтгүй үйл ажиллагааг хангах, ажлын бүтээмжийг нэмэгдүүлэхэд чухал нөлөөтэй юм. Одоогоор Зам овоолгын хэсэгт Комацу  фирмийн гинжит бульдозер долоо ажиллаж байна.