Аймгийн Засаг даргаар ахлуулсан ажлын хэсэг тус сумын нутгийн удирдлага, төрийн байгууллагуудын ажилд дүн шинжилгээ хийж, хяналт тавин, нэн тэргүүнд шийдвэрлэх шаардлагатай асуудлуудыг зохих журмын дагуу шийдвэрлэж ажиллаа.

Сагсай суманд  ажиллах үеэрээ шийдвэрлэсэн ажлууд

• Харангатын гүүрийг сэргээн засварлах
• Рашаантын голд шинээр гүүр барих
• Тэрбум модны хүрээнд айл бүр 10 мод тарих,
• Сумын сургуулийн байгууламжид дүн шинжилгээ хийж, засварын ажлын зураг төсөл гаргаж,  хэрэгжүүлэх газарт өргөн барих /эхний ээлжид хаалга, цонхыг солих/
• 4 дүгээр багийн 16 өрхийг цахилгаанаар хангах асуудлыг 2023 оны улсын төсөвт эсвэл Орон нутгийн хөгжүүлэх сангийн саналд оруулж шийдвэрлэх
• Мөн тус сумын иргэдээс ирсэн хүсэлтүүдийг холбогдох байгууллагуудад уламжилж шийдвэрлүүлэхээр боллоо.

Хурлын төгсгөлд  мал аж ахуйн салбарыг хөгжүүлэх үйл хэрэгт үр бүтээлтэй ажиллан, амжилт гаргасан  хөдөлмөрийг үнэлж аймгийн Засаг даргын 2022 оны А/65 дугаар шийдвэрийн дагуу шагнагдсан аймгийн аваргуудын шагналыг Засаг дарга Д.Бауыржанаар ахлуулсан ажлын хэсэг гардуулан өгч баяр хүргэв.

Сагсай сумаас аймгийн хошой аварга өрх 1, аймгийн аварга өрх 5, аймгийн аварга тариаланч 1 төрөн гарсан.

Уулзалтын үеэр аймгийн Засаг дарга Д.Бауыржан иргэдэд  Монгол Улсын урт хугацааны хөгжлийн бодлого болох “Алсын хараа-2050” болон Засгийн газрын “Шинэ сэргэлтийн бодлого”-ыг танилцуулж, уг  бодлогын хүрээнд манай аймгийн онцлог, давуу талд тулгуурлаж, аялал жуулчлал, дэд бүтэц, аж үйлдвэрлэлийг дэмжсэн их бүтээн байгуулалтыг өрнүүлэх болсон талаар болон аймгийн Засаг даргын үйл ажиллагааны  мөрийн хөтөлбөрийг   танилцуулж мэдээлэл өглөө.

Түүнчлэн өнөөдөр Цэнгэл сумын иргэдтэй өдрийн 14 цагт,  Сагсай сумын Даян багийн иргэдтэй оройн 17 цагт тус тус уулзалт хийнэ.