БГД-ийн 5, 6 дугаар хороо:

• БГД-ийн 5, 6 дугаар хорооны нутаг, Энхтайваны өргөн чөлөө дагуу авто замын ачаалал үүсгэдэг хэд хэдэн уулзвар байдаг. Тухайлбал, Саппорогийн уулзвар, 3 дугаар эмнэлгийн урд талын явган хүний гарц, 10 дугаар хорооллын явган хүний гарц нь хамгийн их  хөдөлгөөнтэй бөгөөд хөдөлгөөн  эрчимжсэн үед замын түгжрэл үүсэж, улмаар Замын цагдаа нар нэмэлт зохицуулалт хийх шаардлага гардаг байна. Иймд эхний ээлжинд 10 дугаар хороололд явган хүний гүүрэн гарц барих саналтай байгаагаа албаныхан танилцууллаа. Замын цагдаагийн хэлтсийнхний өгсөн мэдээллээр дээрх гүүрэн гарцыг барьсан тохиолдолд замын ачаалал буурч, иргэд замын түгжрэлд орох нь багасна юм гэсэн. Үүнээс гадна 10 дугаар хороолол орчимд авто зогсоолын хүрэлцээ муу, зохион байгуулалт хангалтгүй байдгаас иргэд зорчих хэсгийн нэгдүгээр эгнээг зогсоол болгон ашиглах мөн ногоон байгууламж дээр тээврийн хэрэгслээ байрлуулах зэрэг зөрчил илэрдэг байна. Иймээс авто зогсоолыг нэмэгдүүлэх, түгжрэлийг бууруулах ажлын хүрээнд зам дагуу байрласан ШТС болон зарим аж ахуй нэгжийн нийтийн эзэмшлийн талбайг хааж барьсан хашаа хайсыг буулгах, бетон хаалтаар авто зам хаасан зэрэг зөрчлийг арилгах саналтай байгаагаа онцолж, ерөнхий төлөвлөгөөгөө танилцууллаа.     

БГД-ийн 24 дүгээр хороо:

•  БГД-ийн 24 дүгээр хороо, “Алтай хотхон”-ы хөдөлгөөн зохион байгуулалтын талаарх төлөвлөгөөг мөн танилцууллаа. Учир нь зөвхөн тус хотхонд 3000 орчим иргэн оршин суудаг бөгөөд эсрэг талд нь мөн л хүн ам ихээр төвлөрсөн “Нарны хороолол” байрладаг. Үүнээс болж замын түгжрэл ихээр үүсдэг байна. Иймээс дээрх асуудлыг шийдвэрлэх эхний ажил нь “Алтай хотхон”-ыг Дунд голын замтай холбох тээврийн хэрэгслийн нүхэн гарц хийх  түүнчлэн Нарны гүүрний доод талын "U-turn” эргэлтийг өргөж сөрөг хөдөлгөөнтэй болгон дээрх хотхонуудаа холбох, “Уран ган” ХХК-ийн урд дунд гол дээгүүр шинээр гүүрэн байгууламж барих шаардлагатай байна гэсэн юм. Мөн зураг төслийг боловсруулан Нийслэлийн замын хөгжлийн газарт хүргүүлсэн бөгөөд энэ асуудлыг яаралтай шийдвэрлэхгүй бол энэ бүс тун удахгүй хоёр дахь Яармаг болох нь. Учир нь “Алтай хотхон”-ны яг ард шинээр хоёр ч орон сууцны хороолол баригдаж байгаа бөгөөд ойр орчимд нь ЕБС, цэцэрлэг байхгүй гэсэн юм.

БГД-ийн 25 дугаар хороо:

• БГД-ийн 25 дугаар хороо, Баруун үйлдвэрийн гудамж замын хөдөлгөөний ачааллыг бууруулах зорилгоор “Гурвалжин”-гийн гүүрний доогуур “U-Turn” эргэлтийг шинээр хийх шаардлагатай байгааг онцолсон. Учир нь энэ бүсэд том оврын тээврийн хэрэгсэл ихээр зөрчигдөг бөгөөд зарим нь зам дагуу машины байрлуулснаас болж түгжрэл үүсдэг байна. Иймээс Замын цагдаагийн хэлтсээс тус бүсэд үйл ажиллагаа явуулдаг аж ахуй нэгжүүдтэй уулзалт зохион байгуулснаар Гурвалжингийн гүүр орчимд олноор байрлуулсан том оврын автомашины хөдөлгөөнийг бүрэн зохицуулах боломжтой гэж харсан бөгөөд энэ хэсэгт хийх зохион байгуулалтын талаар мөн мэдээлэл өгсөн юм.

БГД-ийн 19 дүгээр хороо:

Түүнчлэн хэд хэдэн байршилд замын зохион байгуулалт хийх шаардлагатай байгааг онцолсон. Үүнд:

• “Өргөө” кино театрын уулзварын урд хэсгийн замын зохион байгуулалтын сайжруулах,
• Чингүнжавын хөшөөнөөс дээш явах замыг өргөтгөн нэвтрүүлэх чадварын нэмэх
• Уулзварын урд хэсэгт эргэж буцаж эргэн суваг гаргах шаардлагатай. Дээрх зохион байгуулалтыг хийснээр замын ачаалал мөн буурна гэсэн тооцоол гарсан гэсэн юм.

Мөн авто замын түгжрэл саатлыг багасгахын тулд зарим байршилд түр хайс байрлуулах тухай асуудлыг хөндсөн. Тодруулбал, Хасбаатарын гудамж, Өргөө гудамж замд 60 метр түр хайсыг байрлуулан хөдөлгөөний ачааллыг бууруулах. Нэг чигийн хөдөлгөөний эрчмийг тойрог хэлбэрийн зохион байгуулалтаар дэмжсэнээр шулуун хөдөлгөөний эрчмийг 2 дахин нэмэгдүүлэх боломжтой гэсэн юм. Үүнээс гадна дүүргийн нутаг дэвсгэрт нийт 6 байршилд 600 метр түр хайс, тэмдэг, хөдөлгөөн зохицуулах техник, хэрэгслийг байрлуулан замын хөдөлгөөний ачааллыг бууруулах уулзвар замуудын нэвтрүүлэх чадварыг нэмэгдүүлэх боломжтой гэсэн юм.

БГД-т 15 сургуулийн гадна орчинд шинээр авто зогсоол байгуулах шаардлагатай

Зөвлөлийн хурлын үеэр бас нэг чухал асуудал хөндсөн нь “Хүүхдэд ээлтэй Баянгол дүүрэг” нэгдсэн арга хэмжээний хүрээнд эхний ээлжинд 113 болон 19 дүгээр сургуулийн орчмыг хүүхдэд аюулгүй байлгахад анхаарч, зарим арга хэмжээг авах шаардлагатай байгааг онцолсон. Тухайлбал, 113 дугаар сургуульд эцэг эхчүүд хүүхдүүдээ хүргэж өгөхөд хэд хэдэн асуудал тулгардаг. Нэгдүгээрт сургуулийн орчимд авто зогсоол байхгүй, зам нь уруу байрлалтай учраас эцэг эхчүүд зам дагуу хүүхдээ буулгаад явдаг. Энэ нь хүүхдүүд зам тээврийн осолд өртөх эрсдэлийг бүрдүүлдэг. Иймээс сургуулийн хажууд байгаа гараашийг буулгаж газар чөлөөлөх, түүн дээрээ авто зогсоол байгуулах шаардлагатай байна гэсэн юм. Хоёрдугаарт, тус сургуулийн орчимд явган хүний замыг өргөтгөх шаардлагатай. Зарим хүүхэд холоос алхаж ирдэг учраас замыг өргөтгөх, гэрэлтүүлэг нэмэх шаардлагтай гэдгийг онцоллоо. Үүнээс гадна БГД-ийн 20 дугаар хороо 19 дүгээр сургуулийн баруун талын гараашуудыг мөн л буулгах шаардлагатай байна. Учир нь хүүхдүүд сургуульдаа ирж очихын тулд 6 эгнээ, 18 метр өргөн хөдөлгөөний ачаалал ихтэй авто замаар зорчдог бөгөөд зам тээврийн осол өртөх магадлал өндөр. Иймээс сургуулийн хажууд байрласан гараашуудыг буулгаснаар 16 метр өргөн, 50 метр өргөнтэй 40-50 авто машины ил зогсоолыг байгуулах боломжтой. Хэрэв энэ зогсоолыг байгуулчихвал эцэг эхчүүд хүүхдүүд зам дагуу буулгах шаардлагагүй болно гэсэн юм.

Хурлын төгсгөлд дүүргийн Засаг дарга Ө.Сумъяабаатар: Замын цагдаагийн хэлтсээс дүүргийн нутаг дэвсгэр дэх замын түгжрэлийг бууруулах чиглэлээр авах арга хэмжээ болон саналуудыг дэмжиж буйгаа илэрхийлээд зарим байршлууд тэр дундаа “Алтай хотхон”, Гурвалжингийн гүүр болон Өргөө кино театр мөн сургууль ормын бүсийг хүүхдэд аюулгүй болгох саналуудыг газар дээр нь очиж үзэн цаг алдалгүй шийдвэрлэх болно. Үүнээс гадна Гурвалжингийн гүүрний засвар  шинэчлэлд зайлшгүй анхаарах шаардлагатай. Учир нь хот баруун тийшээ тэлж байна. Хан-Уул, Яармаг чиглэл рүү хөдөлгөөн нэмэгдэнэ. Иймээс Гурвалжингийн гүүрний явган хүний замыг өргөтгөн шинэчлэх, дугуйн замтай болгох, одоо явган хүний зам дээр суурилуулсан гэрэлтүүлгийг замын гол шилжүүлэх шаардлагатай бөгөөд холбогдох судалгааг хийе. Цаашид цаашид бид том зураглалаар ажлуудаа харж хийг үүрэг болголоо.