Монголчууд хандив өргөж Б.Тэмүүлэн хүүгийн эмчилгээний зардал бүрджээ. Их жанжин Д.Сүхбаатарын талбайд хүүгийнхээ эмчилгээний зардлыг бүрдүүлэхэд ард түмнээсээ хандив өргөхийг Н.Батзулын гэр бүлээс уриалсан билээ. Тэгвэл өнөөдөр хүүгийн эмчилгээний зардал бүрдэж, хүүгийнхээ амь насыг авархаар ТУРК улсыг зорих бэлтгэлдээ оржээ.

Б.Тэмүүлэн хүү энэ жил зургаан настай бөгөөд цусны цагаан эсийн хорт хавдар гэсэн оноштой тул эмчилгээ хийлгэх зайлшгүй шаардлага үүссэн юм. Иймд Турк улсын EMSEY эмнэлэгт яаралтай халгаанд орохоор болсон эмчилгээний зардал нь 500 гаруй сая төгрөг болсон учир ард иргэдээсээ тусламж хүссэн билээ. Бяцхан хүүг эрүүл энх болж, эх орондоо тустай сайн хүн болоорой гээд халуун сэтгэлт Монголчууд хандив өргөж, эмчилгээний зардлыг нь бүрдүүлжээ.