Зөвлөгөөнд уран зураач, уран сийлбэрч, уран барималч, оёмол, нэхмэл, сүлжмэлчин, эсгий урлаач, уран дархчууд, арьс шир урлаачид, цаасан урлалын бүтээгдэхүүн үйлдвэрлэгчид болон уран хатгамалч нарын сум сумдын төлөөлөл бүхий 120 гаруй бүтээлчид оролцон гар урлалын бүтээгдэхүүний үйлдвэрлэлийн өнөөгийн нөхцөл байдал - цаашдын хөгжлийн талаар салбар тус тус бүрээр хэлэлцэн зөвлөлдөв.

Засаг дарга Д.Мөнхсайхан аймгийн гар урлаачдаа дэмжих, тэдний бүтээгдэхүүн үйлдвэрлэлийг хөгжүүлэх, Баянхонгорын брэнд бүтээгдэхүүнийг бий болгох бодлогын хүрээндээ аймгийн хэмжээний нийт гар урлаачдын дунд болзолт уралдааныг зарлалаа.

Болзолт уралдааны хүрээнд бүтээлийн үзэмж, чанар, агуулга, онцлог зэргийг харгалзан эхний 10 байранд шалгарсан 10 иргэнд 3 жилийн хугацаатай 5,0 сая төгрөгийг /нийт 50,0 сая₮/ тус тус хүүгүй олгох юм.

Баянхонгор аймгийн 80 жилийн ойн өмнө болзолт уралдааны дүнг гаргах болно.