Хөгжлийн банкны чанаргүй зээлийг төлүүлэх хууль хүчний байгууллагуудыг багтаасан ажлын хэсэг байгуулахаар боллоо. Засгийн газрын өнөөдрийн хуралдаанаар Хөгжлийн банкны чанаргүй зээлийг төлүүлэх хууль хүчний байгууллага багтсан ажлыг хэсэг байгуулахаар шийдвэрлэлээ. Хөгжлийн банкны чанаргүй зээлээс 165 тэрбум төгрөг төлөгдөөд байна. Тус банк 2023 онд 2 том бондын төлбөр төлнө. Чанаргүй зээлүүд төлөгдвөл бондын төлбөрт асуудал гарахгүй. Тиймээс Хөгжлийн банкны чанаргүй зээлийн төлбөрийг богино хугацаанд эргэн төлүүлэхэд Засгийн газар онцгой анхаарч ажиллаж байна.