Худалдаа хөгжлийн банкны захирал Д.Эрдэнэбилэг өнөөдөр Ерөнхий сайд Л.Оюун-Эрдэнэд хандан захидал илгээжээ. Тэрээр захидалдаа  Кью Эс Си компанийн Хөгжлийн банкнаас авсан 192 тэрбум төгрөгийг Худалдаа хөгжлийн банк бүрэн төлж барагдуулсан, Хөтөлийн цементийн үйлдвэрийг төрд авсан явдлыг эсэргүүцэх зүйлгүй бөгөөд цаашдаа хэвийн тогтвортой ажиллуулахыг хүссэн байна.

Мөн Эрдэнэт үйлдвэр, Монросцветмэнтийн 49 хувьтай холбоотой хэлцлээ цаашид үргэлжлүүлж, нэг мөр эцэслэхийг чухалчилжээ. Тэрээр захидлынхаа төгсгөлд улс орныхоо эдийн засгийн хөгжил, дэвшил, үндэсний үйлдвэржилт болон Шинэ сэргэлтэд өөрсдийн хувь нэмрээ оруулж, бүх талаар хамтран ажиллах чин хүсэлтэй байгаагаа илэрхийлсэн байна. Захидлыг хүргэе.