Уржигдар буюу 7-р сарын 30-нд дүүргийн 20-р хороо Гачуурт тосгонд Гачуурт offroad клубээс "Гачуурт кап" бартаат замын тэмцээнийг өргөн дэлгэр зохион байгуулжээ. Тэмцээнд оролцсон, үзсэн залуучууд бүгд тэмцээний зохион байгуулалт, цар хүрээг өндрөөр үнэлж сэтгэл хангалуун байсан юм. Гэсэн ч тэмцээн зохион байгуулахын тулд зарим газрыг сэндийчсэн, ухсан байсныг дүүргийн Засаг даргын хувьд холбогдох шаардлага тавьж тэмцээний дараа нөхөн сэргээлт хийх, байгаль дэлхийдээ ээлтэй байхыг хүссэн.