Хөдөлмөр, халамж, үйлчилгээний Ерөнхий газрын даргын удирдамжийн дагуу Улаанбаатар хотын 9 дүүргийн иргэдийн дунд нийгмийн халамжийн ерөнхий хуулийн дагуу асаргааны тэтгэмж авдаг иргэдэд төлөвлөгөөт хяналт шалгалтыг Сүхбаатар дүүргийн ХХҮХ-ийн мэргэжилтэн Х.Алтантуяа дүүргийн иргэдийн дунд хийжээ. Энэ дагуу төлөвлөгөөт шалгалтыг хийх явцад тус дүүргийн 16-р хороонд ажиллахдаа иргэн Ш.Дашийг асаргаа авах боломжгүй гэж үзэж, хасчээ. Тэрбээр ярихдаа "Намайг гэнэтийн шалгалтаар очиход энэ хүн өөрөө босоод суучихсан, хувцасаа угаагаад сууж байсан. Тийм хүн асаргаанд байхгүй шүү дээ. Гэр дотороо явж байсан. Ер нь асаргааны мөнгийг өвчинд зориулж олгодог зүйл биш. Бусдын асаргаа зайлшгүй шаардлагатай хүн чинь өөр байдаг юм. Хорооны дарга нь улстөржүүлж хандсанд харамсалтай байна. Би ганцаараа очоогүй. Хороо, хэсгийн ахлагч нь хамт явсан" хэмээлээ.