Мөн дүүргийн хэмжээнд Коронавирус (Ковид-19)-ын цар тахлаас урьдчилан сэргийлэх шинжилгээний цэг, дархлаажуулалт, тандалт хариу арга хэмжээний зохион байгуулалт, авч хэрэгжүүлж буй арга хэмжээний талаар дүүргийн Эрүүл мэндийн төвөөс танилцуулга хийлээ. Дүүргийн нутаг дэвсгэрт намрын үзэсгэлэн худалдааг угтаж хүнс, худалдааны чиглэлээр үзэсгэлэн худалдаа зохион байгуулж байгуулах, аж ахуйн нэгжүүдийн үйл ажиллагаа, зохион байгуулалтын талаар Засаг даргын Тамгын газрын Хүнс, худалдаа үйлчилгээний хэлтэс, дүүргийн нутаг дэвсгэр дэх гэмт хэргийн нөхцөл байдал, хэв журам сахиулах, гэмт хэргээс урьдчилан сэргийлэх чиглэлээр хэрэгжүүлж буй ажлын талаар дүүрэг дэх Цагдаагийн газраас танилцууллаа. Дүүргийн хэмжээнд зохион байгуулсан хяналт шалгалт, ажлын явц, үр дүн, зохион байгуулалтын талаар Мэргэжлийн хяналтын хэлтэс, 2022-2023 оны хичээлийн жил бэлтгэл бэлэн байдлын талаар дүүргийн Боловсролын хэлтсээс тус тус мэдээлэл хийсэн юм.