Энэхүү арга хэмжээнд нийслэлийн 9 дүүргийн төлөөлөл болох 200 хүүхэд оролцож, эх орон, түүх соёлоо хайрлан хамгаалах аливаа саад бэрхшээлийг даван туулах, бусдын өмнө хариуцлага хүлээх, багаар ажиллах чадварыг хөгжүүлэх 36 цагийн сургалт, танин мэдэхүйн үйл ажиллагаанд хамрагдах юм. Алсын хараа-2050 хөгжлийн бодлогод багтсан эх оронч, бүтээлч сэтгэлгээтэй иргэн төлөвшүүлэх зорилтын хүрээнд “Эх орон-36” хүүхэд хөгжлийн хөтөлбөрийг Монгол Улсын Ерөнхийлөгчийн Тамгын газар, Хөдөлмөр, нийгмийн хамгааллын яам, Батлан Хамгаалах Яам, Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газар, Онцгой Байдлын ерөнхий Газар, Монголын зуслангуудын холбоо болон Нийслэлийн Гэр бүл, хүүхэд, залуучуудын хөгжлийн газар хамтран зохион байгуулна.