Хан-Уул дүүргийн Засаг даргын 2021-2024 онд хэрэгжүүлэх “Эко-Эрүүл дүүрэг” үйл ажиллагааны хөтөлбөрийн хүрээнд дүүргийн иргэдийн цэвэр, эрүүл орчинд ая тухтай ажиллаж амьдрах таатай орчин нөхцөлийг бүрдүүлэх зорилгоор “Хоггүй Хан-Уул 2022” аян 5 дах жилдээ зохион байгуулж байна.

“Хоггүй Хан-Уул 2022 аян”-ы хүрээнд, жил бүрийн 3 дугаар сарын 22-ны өдөр тохиодог “Дэлхийн усны өдөр”-ийг тохиолдуулан дүүргийн Засаг даргын Тамгын газраас дүүргийн нутаг дэвсгэрт орчны бохирдлыг бууруулж, нийтийн эзэмшлийн гудамж талбай, Туул голын ай сав газрыг цэвэрлэх “Бүх нийтийн их цэвэрлэгээ”-г Ням гарагт зохион байгууллана.

Эко дүүргийн иргэд, сууц өмчлөгчдийн холбоод, аж ахуй нэгж байгууллагуудыг “Цэвэр орчин-Эко дүүрэг” уриалгад нэгдэн өөрийн ажиллаж, амьдарч буй орчноо цэвэрлэн “Бүх нийтийн их цэвэрлэгээ”-нд идэвхитэй оролцохыг УРИАЛЖ байна.

2022 оны 03 дугаар сарын 22-ны өдрийн их цэвэрлэгээнд Хан-Уул дүүргийн төрийн албан хаагчид Туул гол дагуу хог хаягдлыг цэвэрлэж, иргэн, аж ахуйн, нэгж байгууллагууд орчин тойрныхоо их цэвэрлэгээнд оролцоно.