Барилга, хот байгуулалтын яам, "Барилгын хөгжлийн төв" ТӨҮГ цаг үеийн асуудлаар хэвлэлийн бага хурал хийлээ
Үйл явдал
/
2022-07-07
Жиргэх
Монгол Улсын Их Хурлаас 2022 оны төсвийг батлахад дагалдан гарсан тогтоолд үнийн өсөлтийн индексийг батлах, үнийн өсөлтийг тооцож төсөвт өртгийн өөрчлөлтийн талаар санал боловсруулж танилцуулахыг Монгол Улсын Засгийн газарт даалгасан.
Үүний дагуу БХБЯ-аас Улсын төсвийн хөрөнгөөр барилга байгууламжийн ажил гүйцэтгэж байгаа компаниудын төсөвт өртгийн зөрүүг тооцох ажлын хэсэг байгуулж, улсын төсвийн хөрөнгө оруулалтаар хийх бүх төсөл арга хэмжээний тоог гаргасан юм.
Нийт 1122 төсөл, арга хэмжээнээс одоогоор 851 төсөл арга хэмжээг нэгтгэн дүнг нь гаргаж Засгийн газарт танилцууллаа. Энэ 851 төсөл арга хэмжээнээс 524 төсөл арга хэмжээнд магадлал хийхэд 270 орчим тэрбум төгрөгийн үнийн зөрүү гарсан ба тогтоолыг 2022 оны долоодугаар сарын 4-ний өдөр УИХ-д өргөн барьсан бөгөөд магадлалд хамрагдаагүй үлдсэн 314 төсөл арга хэмжээг дахин тооцож танилцуулах чиглэл өгсний дагуу ажлын хэсэг улсын баяр наадмын өдрүүд болон амралтын өдрүүдэд ажиллахаар шийдвэрлэсэн тул магадлалд орж амжаагүй төсөл арга хэмжээнүүдийг 2022 оны наймдугаар сарын 1-ний өдөрт багтаан оруулахаар болсныг хэвлэлийн бага хурлын үеэр хэллээ
 
С.Магнайсүрэн: Барилгын материалын үнийн өөрчлөлтийн магадлалд хамрагдаагүй ААН-ийг долдугаар сарын 28 хүртэл бүртгэнэ
 
Барилга, хот байгуулалт яам, Барилгын хөгжлийн төвөөс төсөвт өртөг нь нэмэгдсэн барилгуудын магадлалын талаар болон цаг үеийн асуудлаар мэдээлэл өглөө. БХБЯ-ны Төрийн нарийн бичгийн дарга С.Магнайсүрэн “УИХ-аас 2022 оны улсын төсвийг батлахад дагалдан гарсан тогтоолоор хоёр үүргийг Засгийн газарт өгсөн.
Үнийн өсөлтийн индексийг батлах,
Үнийн өсөлтийг тооцож, төсөвт өртгийн өөрчлөлтийн талаар санал боловсруулж танилцуулахыг даалгасан.
Энэ дагуу Барилга, хот байгуулалтын яаманд бусад яамдын болон бусад байгууллагуудын оролцоотой ажлын хэсэг ажилласан. Бид хоёр хоногийн өмнө үнийн өөрчлөлтийн асуудлаар УИХ-д танилцуулга хийлээ.
Үнийн өсөлт тооцогдоогүй үлдсэн төсөл, арга хэмжээнүүдийг богино хугацаанд дахин авч үзэж, танилцуулах чиглэл авсан.
Нийт 1100 гаруй төсөл, арга хэмжээнүүд үргэлжилж байна. Тэдгээрийн 534 төсөл, арга хэмжээний үнийн өсөлтийг тооцож УИХ-ын төсвийн байнгын хороонд танилцуулсан. Үүнд 274 тэрбум төгрөг нэмэлт шаардлагатайг мөн танилцуулсан.
314 төсөл, арга хэмжээ үнийн өөрчлөлтийн магадлалд хамрагдаагүй үлдсэн. Энэ нь тухайн төсөл, арга хэмжээг хэрэгжүүлэгч компанийн хариуцлагын асуудал. Мөн цаг хугацаа нь амжаагүй байж магадгүй.
Төсвийн байнгын хорооноос 314 төсөл, арга хэмжээг дахин авч үзэх чиглэл өгсөн. Энэ дагуу барилгын материалын үнийн өөрчлөлтийн магадлалд хамрагдаагүй ААН-ийг наймдугаар сарын 1-н хүртэл дахин бүртгэх бололцоотой болсон.
Иймээс хамрагдаж амжаагүй ААН-үүд БХБЯ-ны холбогдох газруудад хандахыг хүсье. Бид амралтын өдрүүдэд ч ажиллахаар төлөвлөөд байна.
Барилгын материалын үнэ багагүй өссөн. Наймдугаар сарын 25-нд 2023 оны улсын төсвийг тооцож Сангийн яаманд хүргүүлэх учиртай. Энэ хугацаанд амжиж бид үнийн өсөлтийг тооцох чиглэлтэйгээр ажиллаж байна” гэлээ.
Мөн тэрбээр “314 төслийн 40-50 хувь нь аймаг орон нутагт шалгаруулаад хянаж буй төслүүд байгаа. Зарим үлдсэн нь яамдынх байна. Өчигдөр ажлын хэсэг хуралдаж бүх яамд руу чиглэл чиглэлээр холбогдож хүсэлтээ өгөхийг сануулсан.
Үнийн өсөлт 2021 оноос эхэлсэн. Тиймээс 2021 оны нэгдүгээр сараас хойших бүх ажилд үнийн өсөлтийг тооцож гаргаж байгаа. Аль болох бүх талын судалгааг гаргасан. Нийтдээ 800 гаруй барилгын материалын нэр төрлийг гаргаж, гурван эх сурвалжаас үнийн өсөлтийг тооцож дундаж өсөлтийг тооцож барилгын материалын төсөвт өртөгт нөлөөлж буй өөрчлөлтийг тооцсон” гэдгийг онцоллоо.
Сэтгэгдэл:
Таны IP: (18.191.168.203)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улаанбаатар хотын 38 байршилд авто замыг шинэчиллээ

2 цаг 11 мин

Нийтийн тээврийн шилдэг 15 жолоочийг “Түрээслээд өмчлөх орон сууцны хөтөлбөр”-т хамрууллаа

2 цаг 13 мин

Байгальд ээлтэй, мөнгөн усгүйгээр алтны хүдэр баяжуулах цех баригдана

7 цаг 4 мин