Монгол Улс манжийн дарлалаас гарсаны 100 жилийн ойгоо МАН-ыг эрх барьж байх үед тохиов. Ковидын үед бүх зүйл  хориглосон байхад биеийн тамир, спортын салбар үүсэж хөгжсөний 100 жилийн ойг тохиодуулан олипийн аварга Н.Түвшинбаяр, Э.Бадар-Ууган, паралимпийн аварга Д.Баатаржав жарын бодит амьдралаас сэдэвлэсэн УРАН САЙХНЫ бүрэн хэмжээний кино хийхэд зориулж төсвөөс 9,5 сая төгрөгийн дэмжлэг үзүүлсэн.

Гэвч олимпийн аваргуудыг алдаршуулах бүтээл өнөөг хүртэл гараагүй бөгөөд харин ч эсрэгээрээ Н.Түвшинбаярын бүх эрхийг хасаж шоронд хорьчихсон. Үүнээс нэг зүйл анхаарал татаж байгаа нь эх орныхоо нэрийг дуурсгасан тамирчдын нэрийг ашиглаж татвар төлөгчдийн мөнгийг ЗҮЙ БУСААР ЗАХИРАН зарцуулдаг үйлдэл Биеийн тамир, спортын улсын хороонд байсаар байгаа нь харамсалтай.