УИХ-ын гишүүн Д.Энхтүвшин:

Төсвийн мөнгөөр тойргоо услаад эргээд сонгуулиар очихдоо би үүнийг хийсэн гэж харуулдаг дүр зураг олонд сонгогдсон гишүүдийн дунд байна. Эрчим хүчний сайд Б.Чойжилсүрэнг дурьдмаар байна. Эрчим хүчний салбар мөнгөгүй, тог цахилгааны үнийг нэмье гээд байгаа мөртлөө яамныхаа төсвөөс хасуулаад Увс аймагт зам тавих гэж байна. Ийм хүн салбар хариуцсан сайд байж болохгүй.

Ёс зүй, дэгийн байнгын хорооны дарга Б.Баярбаатар намайг уучлалт гуй гэсэн. Би уучлалт гуйхгүй. Хулгайч гэдэг бол угаасаа үнэн. Хувийн хэвшилд байх боломжтой мөнгийг татвар татвар нэрээр чиглүүлж энэ мөнгийг авсаныхаа дараа дахин сонгогдохын тулд өөрсдийнхөө тойрогт энэ мөнгийг зарцуулж, боломжуудыг хулгайлж байна.