Анхдугаар Үндсэн хуулиа баталж, Бүгд Найрамдах Улсаа тунхагласны түүхт 100 жилийн ойг тохиолдуулан Ерөнхийлөгчийн зарлигаар салбартаа олон жил үр бүтээлтэй ажилласан нэр бүхий эрхмүүдийг төрийн дээд цол, одон, медалиар шагнасан. 

Тэгвэл өнөөдөр ЗГХА Ойн газрын удирдлагууд шинэхэн гавьяатууддаа хүндэтгэл үзүүллээ. 

-Батгомбын Отгонсүрэн- Монгол Улсын ойн салбарт 40 жил тасралтгүй ажиллаж, ой зохион байгуулалтын ажилд шинэ технологи нэвтрүүлэх, ойн сангийн зураглал, мэдээллийн системийг хөгжүүлэх ажилд үнэтэй хувь нэмэр оруулж, ойн салбарын бодлогын баримт бичиг боловсруулах, олон улсын жишигт нийцүүлэх ажилд үнэтэй хувь нэмэр оруулсан Ойн газрын ахмад ажилтан.

-Монголын ойн тогтвортой менежментийн зөвлөлийн тэргүүн, Ойн салбарын ахмад ажилтан Ламжавын Доржцэдэн-Монгол Улсын ойн салбарын хөгжил, байгаль орчныг хамгаалах төр засгийн бодлого боловсруулах, эрх зүй, эдийн засгийн үндсийг бүрдүүлэх, боловсронгуй болгох, ойн санг хамгаалах, нөхөн сэргээх үйлсэд идэвх санаачилга, мэргэжлийн ур чадвар гарган тасралтгүй 50 гаруй жил ажилласан

-Дүгэржавын Энэбиш- Байгаль орчны салбарын ахмад ажилтан, доктор, профессор-Байгаль орчныг хамгаалах, байгаль орчны бодлого шийдвэрийг олон нийтэд хүргэхэд үнэтэй хувь нэмэр оруулсан эрхмүүдэд ийнхүү хүндэтгэл үзүүллээ.