Форекс арилжаанд оролцож ашиг орлогоо нэмэгдүүлэх сонирхолтой арилжаачид нь ирээдүйн ханшийн хөдөлгөөнийг өнгөрсөн дата өгөгдөл болон одоо цагийн график дээр тулгуурлан анализ хийж, цаг үеийн мэдээ мэдээлэлтэй хослуулан цаашдын ханшийн хөдөлгөөнийг урьдчилан зөв таамаглаж чадсанаар урт хугацаандаа өндөр үр дүн гаргадаг байна.

Арилжаа анхлан сонирхож буй субьект нь ханшийн хөдөлгөөнийг урьдчилан таамаглах зөв аргачлал, өөрийн гэсэн стратеги ба шинжилгээний техникийг эзэмшиж тогтвортой ашиг орлоготой болох хүртэл дор хаяж таваас зургаан жилийг зарцуулж, тодорхой хэмжээний эрсдэл үүрдэг гэсэн судалгаа байдаг. Тэгвэл Монгол залуус хамтран гадаад валют арилжааны зах зээлд урьд өмнө нь байгаагүй цоо шинэ аргачлал буюу CNX Strategy гэх аргачлалыг боловсруулан Оюуны өмчийн газраар баталгаажуулжээ. Ингэснээр арилжаачид CNX Strategy- ийн тусламжтайгаар цаг хугацаа алдахгүйгээр богино хугацаанд өндөр үр дүнтэй , эрсдэл багатай арилжаа хийн орлогоо бодитойгоор нэмэгдүүлэх боломж нээгдсэн гэсэн үг юм. Өөрөөр хэлбэл CNX Strategy -ийг эзэмшиж энэхүү техник, арга барилыг өөрт суулган мэргэжлийн түвшинд хөрөнгө оруулалт хийж гадаад валютын зах зээлээс ашиг шимийг нь хүртэх чадварлаг трэйдерүүд бэлтгэгдэж эхэлжээ. Монгол хүний оюуны чадамжийг юугаар ч үнэлэж баршгүй гэдгийн бас нэгэн тод жишээ энэ юм.