Төрийн албаны зөвлөлийн Баянхонгор аймаг дахь салбар зөвлөлөөс санаачилсан “Ёсзүй, хандлага зөвтэй төрийн алба-3” аян гуравдугаар сарын 15-ны өдрөөс эхлээд байна.

Тус аяныг Төрийн албан хаагчдын сахилга, хариуцлага, Төрийн албаны суурь өгөгдлийн мэдээллийн санг үнэн зөв бүрдүүлэх, Төрийн албан хаагчдын албаны цахим хэрэглээг сайжруулах, чадавхжуулах, бүтээлч санал санаачилгыг дэмжих зорилгоор зохион байгуулж буй.

Аймгийн төрийн байгууллагын нийт албан хаагчдын хүрээнд өрнөсөн энэхүү аянаар “Төрийн албаны эрх зүйн шинэчлэл” сэдэвт сургалт зохион байгуулах, “Төрийн алба-цахимжилт”- Төрийн албаны Хүний нөөцийн систем хөтлөлтийг сайжруулах, “Төрийн албаны шинэтгэл- Төрийн албан хаагчийн ёс зүй” сэдэвт Төрийн албан хаагчдын зөвлөгөөнийг зохион байгуулах зорилт тавьжээ.