Улаанбаатар хотын Ерөнхий менежерийн 2021 оны А/192 дугаар тушаалаар Нийслэлийн хүн амыг эх орны хөрсөнд ургасан төмс, хүнсний ногоогоор хангах, нөөцлөх, даршлах боломжийг бий болгох, дархлааг дэмжих зорилгоор “Алтан намар-2021” хүнсний ногооны өргөтгөсөн үзэсгэлэн худалдааг дүүргийн 4 дүгээр хороо, Барилгачдын талбай, 5 дугаар хороо, Тусгаар тогтнолын талбайд зохион байгуулагдаж байна.

 

Үзэсгэлэн худалдаанд дүүргийн хүнсний ногоо тариаланч иргэд, Адра Олон Улсын байгууллагын хөдөө аж ахуйн түншлэл төсөл, Сэлэнгэ аймаг, Ховд аймаг, Дархан-Уул аймгийн Орхон сумаас нийт 70 гаруй ногоочид эх орны хөрсөнд тарьж ургуулсан ногоогоо худалдан борлуулж байгаа бөгөөд нэмэгдэл үнэгүйгээр худалдан авахыг эрхэм хүндэт Нийслэлчүүд та бүхэндээ уриалж байна.