Сонгинохайрхан дүүргийн 31-р хорооны хамт олон “Алтан намар-2021” үзэсгэлэн худалдааг амжилттай зохион байгууллаа. Энэхүү арга хэмжээнд тус хорооны жижиг, дунд бизнес эрхлэгчид болон хүнсний ногоо тариалагчид оролцож хорооныхоо иргэдэд өөрсдийн бүтээгдэхүүнийг танилцуулж, шинэ ургацын дээжийг худалдан борлууллаа.

 

Энэ үеэр үзэсгэлэн худалдаанд оролцогчид нэг өдрийг хорооныхоо иргэдтэй танилцаж, халуун дотноор санал, бодлоо солилцож өнгөрөөв. Мөн бизнес эрхлэгчдийг эргэх холбоотой ажиллах боломжийг бүрдүүлж, бараа бүтээгдэхүүнээ хэрэглэгчдэд ямар нэгэн зуучлагчгүйгээр шууд нийлүүлэх нөхцөлөөр хангаж өгсөнд талархаж байгаагаа илэрхийллээ.