2020 оныг дуустал фитнесс клубт гурван сар хичээллээд нэг сарын төлбөрөө эргүүлэн авах боломжтой юм байна.

Эрүүл мэндийн даатгалын ерөнхий газрын Бодлогын хэрэгжилтийн газрын дарга Г.Гийхнаран “2020 онд магадлан итгэмжлэгдсэн спортын клубт идэвхтэй хөдөлгөөн хийж, спортоор хичээллэх үйлчилгээнд урамшуулал олгохоор хоёр тэрбум төгрөг тусгасан. Журмаараа бөгөөд гурван сар хичээллэсний дараа ЭМДС-аас мөнгөө буцаан авах эрх үүснэ. Энэ жилийн хувьд коронавирусийн халдвараас урьдчилан сэргийлэх зорилгоор фитнесс төвүүдийг хаасан тул наймдугаар сараас эхлэн эхний гүйцэтгэлүүд орж ирж байна” гэлээ.

2017 онд Эрүүл мэндийн даатгалын тухай хуульд өөрчлөлт оруулан “Магадлан итгэмжлэгдсэн спортын клубт идэвхтэй хөдөлгөөн хийж, спортоор хичээллэх үйлчилгээнд урамшуулал олгох”-оор тусгасан юм.